Gráa skipið ekki í hátíðarbúningi

Það var falleg sjón í þessu góða veðri að sjá flotann sigla um Pollinn. Eitt var samt , sem mér þótti miður. Það er, að Súlan, sem á sinn stað við Torfunefsbryggjuna mestan tíma ársins skildi ekki vera skreytt í tilefni hátíðarinnar. Hún hefði mátt vera spariklædd í tilefni dagsins. 

Sigldu á Pollinum í veðurblíðu

Athugasemdir

[Jón Ingi Cæsarsson, 7.6.2009 kl. 21:56]

Rétt Oddur... útlit Súlunnar var eigendum þess ágæta skips til lítils sóma... mér sveið eigilega að sjá hirðuleysið og óvirðingu við sjómannadaginn sem endurspeglaðist í að ekki ein einasta fánatutlu var þar að sjá.

[Birgir Stefáns (IP-tala skráð) 7.6.2009 kl. 22:54]

Það er nú þannig komið fyrir togarabænum Akueyri að amerízkur elskendadagur þykir merkilegri en Sjómannadagurinn. Eg gleymdi meira að segja að flagga.

Öðruvísi mér áður brá.

KV Biddi

[Anna Dóra Gunnarsdóttir, 7.6.2009 kl. 22:59]

Ég átti ekkert erindi í bæinn og sá því ekki Súluna í hvunndagsbúningi, en ég er sammála því að þetta skip af öllum, má alls ekki gleyma að klæða upp á.

[Magnús Geir Guðmundsson, 14.6.2009 kl. 00:03]

Hm, ekki get ég nú gleymt þessum degi, en þetta með Súluna segir auðvitað vissa sögu samt, af sem áður var þegar Sverrir Le og hann Bjarni frændi minn Bjarna gerðu hana út!

Hverjir skildu annars eiga hana núna, Brim?