Dalsbrautina í stokk

Núna þegar talað er sem mest um stokklagningu við höfnina í Reykjavík, rifjast upp „Dalsbrautarmálið“ á Akureyri.  Meirihlutinn þorði ekki að taka afstöðu í málinu, hvorki að játa né neita og kom með eitthvert málamyndapíp um að leggja Miðhúsabraut til að ákveða hvað hún gerði fyrir Naustahverfi.

Það hefur alltaf verið ljóst í mínum huga að það leysir afskaplega lítið. Ef aðeins önnur brautin ætti bara að koma væri betra á allan hátt að það væri Dalsbraut. Málið er enn í lausu lofti. Íbúar Naustahverfis vita ekkert hvort þeir fái betri samgöngur við hverfi sitt og íbúar Gerðahverfis vita heldur ekkert hvort Dalsbrautin kemur eða ekki.

Ég  setti fyrir mörgum árum fram þá skoðun að leggja ætti Dalsbrautina í stokk . Með því leysist allur vandi. Við fáum góða tengingu úr Naustahverfi og umferðaröryggi við Lundarskóla minnkar ekki, frekar eykst. Yfir stokknum  verður svo upplagt að gera fótboltavelli og annað, því nægilegt pláss verður þar.Það er auðvitað ljóst að þessi lausn er dýrari en gata ofanjarðar, en það er svo margt annað sem græðist og því er sá kosnaður réttlætanlegur. Eins er ég þeirrar skoðunar að ef sjálfstæðismenn og samfylking hefðu þorað að gera þetta svona, þá hefði Miðhúsabrautin ekki þurft að koma nærri strax og þar sparast á móti.

Því miður virðist þetta mál liggja í dvala hjá meirihlutanum, eins og annað sem þeir geta ekki tekið ákvörðun um.  Ég segi því. Dustið rykið af málinu og skoðið alvarlega að leggja Dalsbrautina í stokk sem fyrst, því vandamálið vex eftir því sem Naustahverfi stækkar.

Svona drífa sig!!!  

Athugasemdir

[bæjarbúi (IP-tala skráð) 12.6.2008 kl. 07:49]

þetta er það gáfulegasta sem ég hef séð frá pólitíkus í bæjarstjórn, en það er verst að þú er líklega einn um þessa skoðun þar, það virðist sem menn fái bara borgað uppá háls þ.e.a.s menn sleppi því að nota höfuðið, og hugsa um hvað er bæjarbúum fyrir bestu, en ekki hvað listaspírunum finnst, eins og menningarhúsið, sem er arfavitlausasta bygging sögunar, og er því komið á pall með húsum eins og forsetahöllini í rúmeníu........

[Bjarki (IP-tala skráð) 16.6.2008 kl. 23:16]

Mæltu manna heilastur með Dalsbrautina. Auðvitað verður hún að koma!

Það er dapurlegt að minnast þess hvernig Kristján Þór höndlaði þetta mál. Það verður lengi í minnum haft. Þessi lausn hafði verið á skipulagi í áratugi.

Í næstu kosningum verða þúsundir kjósenda í Naustahverfi. Fróðlegt verður að sjá hvað verður í boði þá. Það má ekki bara horfa á hagsmuni KA ( þó að þeir séu í sjálfu sér alls góðs maklegir).

Nýja Bónusverslunin knýr svo enn frekar á um málið. 

[Jón Ingi Cæsarsson, 19.6.2008 kl. 09:59]

Dalbrautin er á aðalskipulagi og það liggur fyrir á þessu ári eða byrjun næsta að ákveða með hvaða hætti hún verður lögð. Það væri góðra gjalda vert að skoða þetta með stokkinn og Oddur og aðrir bæjarfulltrúar finna vafalaust fjármagn í það.

Það kostar sennilega um milljón á meterinn og þetta eru milli 900 og 1000 metrar.... sem sagt einn milljarður sem er þokkaleg upphæð.

Það var engin Dalsbraut í fyrri umferð aðalskipulags en kom inn aftur sem betur fer enda glórulaust að fella hana út.

Aðalskipulagið var samþykkt með 7 atkvæðum meirihlutans gegn einu atkvæði og hjástetu þriggja, þannig að ljóst að bæjarfulltrúi Oddur treysti sér ekki til að standa að aðalskipulagi þar sem gert var ráð fyrir Dalsbraut.