Úrdráttur úr grein í Vikudegi

 Hér er krækja á greinina  http://vikudagur.is/?m=news&f=viewItem&id=2634

Áhrif stóra Matadorsins á Akureyri

 

Við förum ekki varhluta af því hvað er að gerast í heiminum og hvernig það leikur okkur Íslendinga. Það er alveg sama hvað við reynum að koma sökinni á heimsástandið. Böndin berast alltaf að “litlu strákunum í stóra Matadorinu”. Það sem hefur stjórnað gerðum þeirra er bara eitt: GRÆÐGI !!

Þeir hafa verið í kappi við hvern annan, við að reyna að kaupa heiminn og nágrenni. Þess á milli virðist aðal keppikeflið hafa verið, hver þeirra gæti eitt mest í vitleysu og óþarfa. Einkaþotur, flottar veislur, fínir bílar, heimsfrægir skemmtikraftar, snekkjur, stórbrúðkaup, kaupréttir og bónusar. Svona mætti lengi telja

.

Hversu merkilegir og ómissandi voru þessir menn og hvað dýrmætur var tími þeirra, þannig að þeir urðu að eiga þotu, en gátu ekki notað áætlunarflug, sem  fer margar ferðir á dag til helstu borga Evrópu og Ameríku. Hvaða uppsprettu auðs fundu þeir, sem aðrir höfðu ekki fundið? Jú þetta var allt saman “Nýju fötin keisarans”. Ekki neitt, enda hvarf það allt í einu.

 

Íslenska þjóðin stendur nú frammi fyrir því að þrífa eftir þessa gutta. Það mun setja mark sitt á allt hér, ríkissjóð, sveitarfélög og hið venjulega heimili. Allir verða að taka á sig auknar birgðar. Kaupmáttur rýrnar og íslenska krónan lætur undan. Við dettum mörg ár aftur í tímann í lífsgæðum.

kann ekki að skammast sín

að þetta fólk skuli láta birta svona frétt um sig í íslenskum fjölmiðli, eins og mikið gengur á og almenningur er að axla þeirra ábirgð er ótrúlegt. Þetta er í raun aumkunarvert og ég vorkenni þeim að hluta. Ekki vottur af veruleika í gjörðum þeirra. Gjörsamlega veruleikafirrt. Guð hjálpi þeim.

Og hefur ekki einu sinni góðan smekk. ( sjá http://www.largeyachtsolutions.com/pdf/boat_internationalaug08.pdf )

Ingibjörg hannaði lystisnekkjuna 101

Færeyska krónan

Ekki mikið mál að redda þessu.
Sendum Davíð og Geir á fund Kaj Leo Johannesen, lögmanns Færeyinga ( "ríku" strákarnir geta skutlað þeim á einkaþotunum sínum).
Ég er viss um að lögmaðurtinn tekur þeim vel. Við erum þó alltént frændur og næstu nágrannar.
Þar geta þeir samið við hann um að við fáum að taka upp færeysku krónuna í stað þeirrar íslensku.
Færeyska krónan er bundin dönsku krónunni.
Danska krónan er bundin Evrunni.

Málið dautt !!!!

 

Veislan búin á Íslandi

Flestir eiga nóg með sitt

Auðvitað á að reyna að hjálpa þeim sem minna meiga sín. Hins vegar er ég ekkert hissa á að þátttaka í söfnuninni sé dræm. Fólk hefur nóg með sitt núna. Það er ekkert smáræði sem ólgusjór undanfarinna daga kemur við heimilin í landinu. Allt ríkur upp, nema launin og erfiðara er að standa í skilum og ná endum saman. Engin veit hvað gerist næstu daga. Eðlilegt að fólk haldi að sér höndum.

Það eru blikur á lofti alls staðar í heiminum. Ekki bætir það úr skák, að hér á Íslandi hafa litlir karlar verið að leika sér i stóru matadori og engin unnið (farðu beina leið í steininn. Þú færð engar 2000kr, þótt þú farir yfir byrjunarreitinn). Ríkisstjórn ráðalítil og svo mesti brandarinn, fjármálaráðherra. Hvar er hann? Hvað er hann að gera? Veit hann af þessu?  

Dræm þátttaka í Göngum til góðs

Ætli kostnaðurinn verði ekki töluvert meiri

Hluti af gatnagerðargjöldum nýtt til að fjármagna framkvæmdir í miðbænum, segir í fréttinni!!!!!!!!! Ég er ansi hræddur um að bærinn þurfi að framkvæma þarna fyrir meira en milljarð. Gera síkið, breyta götum, byggja brú, breyta lögnum og opnum svæðum, uppkaup eigna, byggja bílastæðahús og fleira og fleira. Þetta gerir langt yfir milljarð.

Hvað gerir þetta fyrir Hafnarstrætið, torgið og restina ? Ég hef ekki séð það.

Af hverju er þetta fólk alltaf að hugsa um bílinn, sem víkjandi. Fer svo allra sinna ferða í bíl. Þetta þykir eitthvað flott hjá lopapeysukommunum að þykjast ætla að ganga og hjóla.

Íbúaþingið fræga er að verða alls herjar stóri sannleikur, hjá sumum bæjarfulltrúum. SVo túlkar það hver á sinn hátt, það sem þar kom fram og tleur sig siðferðislega skildan til að fara að vilja íbúaþings. Þetta er sama fólkið og tekur svo ekkert mark á undirskriftalistum mörg hundruð manna og mótmælum íbúanna í ýmsum málum, þegar þeim ekki hentar vilji íbúanna.

Koma svo fram ,eins og ég segi stundum, á sunnudögum og við hátíðleg tækifæri og þykjast hafa íbúalýðræði að leiðarljósi. 

Ég er fylgjandi uppbyggingu í miðbænum, en við þurfum að vita hvert við stefnum og til hvers það leiðir.  Því miður þá gera meirihlutaflokkarsnir sér litla grein fyrir málinu í heild. Eru svo líka svo ósamstiga, að ekkert þokast. Sem er kanski eins gott, því þá þeir gera ekki neina vitleysu á meðan allt er stopp. Meirihlutinn er búinn að sýna það svo rækilega á kjörtímabilinu að skipulagsmál, áætlanagerð og verklegar framkvæmdir er eitthvað sem hann ræður engan veginn við. Mikil upplausn í skipulagsmálum, kostnaðaráætlanagerð fyrir framkvæmdir ekki nálægt raunveruleikanum og kostnaður við verklegar framkvæmdir rjúka upp úr öllu valdi.

Ég hugsa ef hugmyndir þeirra og kostnaðaráætlanir, (Tekjur og gjöld af framkvæmdum) séu bornar saman sé farið að muna fleiri hundruð milljónum eða jafnvel einhverjum milljörðum, bæjarsjóði í óhag.   

Enn gert ráð fyrir síki í miðbæ Akureyrar

Stóra Matadorið

Auðvitað hlaut að koma að því að litlu strákarnir í stóra matadorinu færu sér að voða. Að kaupa Danmörku er fínt, en það hefði kanski verið skárra að eiga fyrir henni. Ég geri samt ráð fyrir að þeir reyni að selja í dönskum krónum, því sú íslenska er eitthvað ofboðslega slöpp núna. Það er litlu strákunum að kenna. Líka samtökum iðnaðarins, sem hafa verið manna duglegastir að tala niður íslensku krónuna. Já ég segi tala niður, því samtökin eiga stóra sök á vantrú manna á krónunni. Eru menn, svona einfaldir?, virkilega? að halda að alllt slæmt hverfi með Evru-upptöku?. Hvernig eigum við að taka hana upp? Engin svör.... SI ætti að vinna vinnuna sína betur. Verst að ég borga fyrir þetta , meðal annars, með aðildargjöldum fyrirtækis míns.
En aftur að litlu strákunum í stóra matadorinu. Ef þeir hefðu ekki haldið að þeir væru orðnir stórir (áttuðu sig ekki á að þeir væru holir að innan)  og farið í "óopinbera keppni" um hver þeirra gæti eytt mest í vitleysu og flottræfilshátt, væru fyrirtæki þeirra ekki svona illa stödd í dag. Enda fer ótrúlega lítið fyrir þeim í dag.

Gætu þurft að selja

Sammála

Ég er sammála danska menntamálaráðherranum og þykir miður að enskan sé tekin fram yfir. Að sjálfsögðu er það skiljanlegt, en samt leiðinlegt. Við lærðum dönsku og lærum enn, en ég geri ráð fyrir að okkar unga fólk noti enskuna frekar. Í norrænu samstarfi er líka oft tekið tillit til finna, en þeir skilja yfirleitt ekkert nema ensku. Ég hef töluverð samskipti við aðrar norðurlandaþjóðir, vegna vinnunnar, en þó aðallega vegna vinabæjarsambands Akureyrarbæjar. Þar hef ég það fyrir reglu að nota mína útgáfu af "skandinavísku" og dugar hún í flestum tilfellum. Sérstaklega þegar ég er búinn að fá mér aðeins!!!

Skandínavísk ungmenni skilja ekki hvert annað

Eins og Sölvi forðum

Þetta minnir óneitanlega á Sölva Helgason "Sólon Islandus"
Eins og segir í bók Davíðs Stefánssonar um hann.
Þegar Sölvi og ítalski reiknimeistarinn hittust í Köben í reiknikeppni og Sölvi átti að verja heiður dönsku krúnunar. Í bókinni Sólon Islandus II, eftir Davíð á bls. 165 er Sölva eignuð þessi orð:

"Nú tók ég til minna ráða. Ég reiknaði og mældi og krotaði, þangað til að ég varð að fá annað blað. Þá dámaði ekki dómurunum uppi á svölunum. Sá ítalski var hróðugur og glotti. En ég gafst ekki upp. Og loks tókst mér að reikna tvíbura í eina afríkanska, og var annað barnið hvítt, en hitt svart. Þá steinleið yfir þann ítalska......." 

 

Mislitir tvíburar

Sammála Bubba

Ég er algjörlega sammála Bubba í þessu efni. Þetta lopapeysukommalið er oft snobbað. Það virðist vera fínna að syngja til þúfnanna, en að hjálpa þeim sem minnst mega sín.

Björk ætti frekar að syngja gegn fátækt

Til Færeyja

Það er í raun sorgleg staðreynd að enginn fjölmiðill sér ástæðu til að ræða við fjármálaráðherra. Sorglegt að hann virðist vera eini maðurinn, sem hefur ekki tekið eftir ástandinu og gengur um og segir öllum sem heyra vilja að ekkert sé að. Þetta er sá sem á að sjá um kassann.

Það er barnalegt hjá fullorðnu fólki og jafnvel forystumönnum stórra samtaka, að halda, að upptaka evrunar sé ein alls herjar lausn. Ætli lausnin sé ekki frekar fólgin í því, að almenningur hætti að taka (sennilega allir hættir) mark á þessum litlu körlum sem töldu sig kunna allt og geta allt og allt yrði að gulli sem þeir snertu. Það fer ekki mikið fyrir þessum jólajeppum núna.

Lausnin er augljós á þessu öllu saman.
Semjum við frændur okkar, Færeyinga, að fá að taka upp færeysku krónuna. Hún er bundin við þá dönsku og sú danska við evruna.    Kling!!!!!!!

 

Upptaka evru ekki möguleg án ESB-aðildar